बैतडीमा दुई महिला मृत फेला
बैतडी । बैतडीमा छुट्टाछुट्टै घटनामा दुई महिलाको मृत्यु भएको छ। एक महिला भीरबाट लडेकी छन् भने अर्की महाकाली नदी किनारमा मृत अवस्थामा फेला परेकी छन्।
जिल्लाको सिगास गाउँपालिका–७ सल्याडीमा बस्ने बझाङको बित्थडचिर गाउँपालिका–९ स्थायी घर भएकी सरस्वती रावल बिहीबार बिहान करिब साढे १० बजेतिर घर नजिकैको भीरबाट लड्दा घटनास्थलमै मृत्यु भएकी हुन्। स्थानीय सुर्य बोहराले जानकारी दिनुभयो।
यसैबिच, झुलाघाटस्थित महाकाली नदी किनारमा दशरथचन्द नगरपालिका–८ माइतीघरकी करिब ३८ वर्षीया दीपा महरको शव बिहान करिब ८ बजे फेला परेको जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहले जानकारी दिनुभयो।
प्रहरीका अनुसार महरका श्रीमान् रोजगारीका लागि भारतको दिल्लीमा बस्दै आएका छन्। महर यसै महिनाको २२ गते माइतीघर आएकी थिइन्। बुधबार श्रीमान् भारत जाने भन्दै घरबाट हिँडेकी उनी बिहीबार बिहान नदी किनारमा मृत फेला परेकी हुन्। मृतकको शव पोष्टमार्टमका लागि जिल्ला अस्पताल बैतडीमा राखिएको छ। पोष्टमार्टम श्रीमान् आएपछि गरिने प्रहरीले जनाएको छ।
सर्वसाधारणका अनुसार बैतडीका ग्रामीण क्षेत्रमा भिरालो भू–गोलिक बनोटका कारण भीरबाट लडेर मृत्यु हुने घटना बारम्बार दोहोरिने गरेको छ।
सम्बन्धित समाचार
वन अतिक्रमण गरी बनाइएका पाँच दर्जन छाप्रो भत्काइयो
सर्लाही। सर्लाहीको हरिवन नगरपालिका–६ र ७ अन्तर्गत चारलिकस्थित सागरनाथ वन विकास परियोजनाको वन क्षेत्र अतिक्रमण गरी बनाइएका पाँच दर्जनभन्दा...
बाढीले फेमे खोलाको डाइभर्सन बगायो, यातायात अवरुद्ध
फिदिम । चार महिनापछि परेको वर्षासँगै आएको बाढीले पाँचथरस्थित फेमे खोलामा बनाइएको डाइभर्सन बगाएको छ। डाइभर्सन बगेसँगै सदरमुकाम फिदिम...
अमेरिकाले खुकुलो बनायो रूसी कच्चा तेलमाथिको प्रतिबन्ध
इरानसँग युद्धका कारण विश्व बजारमा तेलको मूल्य बढ्न थालेपछि अमेरिकाले रूसी तेलमाथिको प्रतिबन्ध खुकुलो पारेको छ। अमेरिकाले अन्तर्राष्ट्रिय जलमार्गमार्फत...
महावीर पुनको चुनावी खर्च २८ लाख ६८ हजार
काठमाडौँ। म्याग्दीमा स्वतन्त्र उम्मेदवारी दिएर निर्वाचित भएका महावीर पुनले चुनावी खर्च विवरण बुझाउनुभएको छ। पुनले जिल्ला निर्वाचन कार्यालय म्याग्दीमा...