उद्योग वाणिज्य महासंघको साधारणसभा र निर्वाचन २९ र ३० गते

काठमाडौं। नेपाल उद्योग वाणिज्य महासंघको ६०औँ वार्षिक साधारणसभा र निर्वाचन यही चैत २९ र ३० गते हुने भएको छ।

बिहीबार बसेको महासंघको कार्यकारिणी समितिको बैठकले साधारणसभा र निर्वाचन कार्यतालिका टुंगो लगाएको हो।

महासंघका कोषाध्यक्ष भरतराज आचार्यले भन्नुभयो, ‘साधारणसभा र निर्वाचन मिति आजको बैठकले टुंगो लगाएको छ। यसअनुसार २९ र ३० गतेका लागि मिति तोकिएको छ।’

उहाँका अनुसार प्रदेश महासंघको प्रदेशसभा एवं अधिवेशन २५ गतेभित्र सम्पन्न गर्ने निर्णय भएको छ।