अखिल क्रान्तिकारी : प्रचण्डका उम्मेदवारसँग भिड्दैछन् वर्षमान र जनार्दन, कसले जित्ला बाजी

काठमाडौँ। नेकपा माओवादी केन्द्र निकट अखिल क्रान्तिकारीको पदाधिकारी चयनका लागि आज मतदान हुँदैछ।

क्रान्तिकारीको २३ औँ राष्ट्रिय सम्मेलन अन्तर्गत अध्यक्षसहितका पदाधिकारी र केन्द्रीय सदस्य चयनको लागि आज (शनिबार) निर्वाचन हुन लागेको हो। बिहान ८ देखि बेलुका ६ बजेसम्म सात भौगोलिकसहित दुई गैरभौगोलिक प्रदेशबाट मतदान हुने क्रान्तिकारीले जनाएको छ।

क्रान्तिकारीको अध्यक्षमा पाँच जनाको उम्मेदवारी कायम भएको छ। जसमा उपदेशकुमार यादव, सुदिन पौडेल, हेमन्त राई, विजयप्रकाश शर्मा र योगेन्द्र बुढा रहेका छन्।

पार्टीका वरिष्ठ उपाध्यक्ष नाराणकाजी श्रेष्ठ निकटका उपदेश यादव, उपमहासचिव बस्नेत निकटका विजय सापकोटा, वर्षमान पुन निकटका सुदिन पौडेल र जनार्दन शर्मा निकटका हेमन्त राईको उम्मेदवारी कायम छ। सापकोटा प्रचण्डका पनि उम्मेदवार हुन्। प्रचण्डका उम्मेदवार भएकाले सापकोटालाई हेडक्वार्टरका उम्मेदवार भनेर प्रचार गरिरहिएको छ।