जनताको हित हुने कार्यमा सरकारलाई समर्थन गर्छौँ : सुहाङ नेम्वाङ

काठमाडौँ। नेकपा (एमाले)का सांसद सुहाङ नेम्वाङले देश र जनताको हितमा हुने सबै निर्णयमा अब बन्ने सरकारलाई पार्टीले पूर्णरुपमा समर्थन गर्ने बताउनुभएको छ।

बिहीवार पद तथा गोपनीयताको शपथपछि सञ्चारकर्मीसँग कुरा गर्दै उहाँले यस्तो बताउनुभएको हो।

जनता र मुलुकको हितमा हुने सबै प्रकारका निर्णयमा सरकारलाई सहयोग गर्ने तथा कमिकमजोरी भए रचनात्मक सुझाव दिने उनले बताउनुभयो।

उहाँले भन्नुभयो, ‘देश र जनताको हितमा काम गर्नुपर्छ। अवश्य पनि मलाई विश्वास छ उहाँहरुले गर्नुहुन्छ। उहाँहरुले देश र जनताको हितमा काम गरेको बखत हामी साथ दिन्छौँ। कमिकमजोरी रहेछ भने हामीले रचनात्मक हिसाबले सम्झाउने तथा सल्लाह दिने काम गर्छौँ।’

उहाँले जेनजी जाँचबुझ आयोगको प्रतिवेदन सरकारले सार्वजनिक गरिसकेपछि पार्टीको औपचारिक धारणा सार्वजनिक गर्ने बताउनुभयो।