संघीय संसदको अधिवेशन आगामी १९ गते बोलाउने मन्त्रिपरिषद्को निर्णय

काठमाडौं। सरकारले संघीय संसदको अधिवेशन चैत १९ गते बोलाउने निर्णय गरेको छ।

सोमबार बसेको मन्त्रिपरिषद्को बैठकले संघीय संसदका दुवै सदनको अधिवेशन चैत १९ गते दिउँसो २ बजे बोलाउन राष्ट्रपति समक्ष सिफारिस गर्ने निर्णय भएको सरकारका प्रवक्ता एवं शिक्षा मन्त्री सस्मित पोखरेलले जानकारी दिनुभयो।

‘२०८२ चैत १९ गते बिहीबार अपरान्ह २ बजे संघीय संसद भवन सिंहदरबारमा संघीय संसदका दुवै सदनको अधिवेशन आव्हानका लागि सम्माननीय राष्ट्रपति समक्ष सिफारिस गर्ने निर्णय भएको छ।’ उहाँले भन्नुभयो।