महाशिवरात्रिको दिन कस्तो छ हजुरको भाग्यफल, हेर्नुहोस्

मेष : शुभकार्यमा धन खर्च हुन सक्छ। जीवनसाथीको सल्लाहमा गरिएको कार्यबाट अधिक सफलता मिल्नेछ। चिताएको कामले तीव्रता लिनेछ। रोकिएका काम पनि पुनस् प्रारम्भ हुनेछन्‌। वस्त्र लाभ हुन सक्छ।

वृष : दैनिक कार्यमा प्रगति हुनेछ। नातागोता वा परिवारजनसँग प्रविधिमार्फत भेटघाट होला। प्रेम सम्बन्धमा मधुरता छाउनेछ। धर्मकर्ममा रुचि बढ्ला। एउटै कामबाट दोहोरो लाभ हुनेछ। बन्धुबान्धवले सहयोग गर्नेछन्।

मिथुन : जिद्दीका कारण काम बिग्रन सक्छ। महत्त्वपूर्ण कार्यमा बाधा आइपर्ला। अध्ययनमा त्यति ध्यान दिन नसकिने देखिन्छ। यात्रामा मालसामान हराउन सक्छ। साँझमा लगनशीलताले कामहरू अगाडि बढ्नेछन्।

कर्कट : परीक्षा आदि प्रतिस्पर्धामा उत्तीर्ण हुन सकिनेछ। रोकिएको काम फत्ते हुनेछ। शुभकार्यमा सहभागी भइनेछ। पारिवारिक भेटघाटमा रमाउनेछ। विद्या र बुद्धिको विकास हुनेछ। सामाजिक र वैदेशिक कार्य सहजै अघि बढ्नेछ।

सिंह : आयव्यय बराबरी हुने खालको समय छ। सन्तान तथा परिवारमा मेलमिलाप हुनेछ। मनमा सेवा र सहयोग भाव आउला। कला, गला र सांस्कृतिक क्षेत्रको प्रभाव बढ्दै जानेछ। आहारविहारप्रति सजग रहनु पर्छ।

कन्या : मन अध्यात्म र दर्शनतर्फ आकर्षित बन्नेछ। रमणीय र सुखद यात्राको योग छ। व्यापार व्यवसायमा उन्नतिका साथै आर्थिक वृद्धि हुने देखिन्छ। आँटेको र ताकेको कार्य पूरा हुनेछ। कसैकसैका लागि सन्तान प्राप्तिको योग छ।

तुला : आफूले ठीक मानेर गरेको काममा आफैँलाई सन्तुष्टि नमिल्ला। पढाइलेखाइमा पनि प्रगति गर्न नसकिने देखिन्छ। झमेलाको सामना गर्नुपर्ला। साँझमा भने प्रेम सम्बन्ध फक्रनेछ।

वृश्चिक : एउटै कामबाट दोहोरो लाभ मिल्नेछ। धार्मिक, सांस्कृतिक, दान पुण्य जस्ता कार्यमा सहभागी भइनेछ। नयाँ कार्य सम्पादनमा सहजता मिल्ला। मनमा हर्ष, उमङ्ग र उत्साह छाउनेछ। प्राविधिक क्षेत्रबाट बढी सफलता मिल्नेछ।

धनु : धार्मिक कृत्यमा सहभागी बन्नु पर्नेछ। प्रेमिकाको सुझावअनुरूप नयाँ कार्य सम्पन्न गर्न सकिनेछ। शुभकार्यको चर्चा चल्नेछ। मन अध्यात्म र दर्शनतर्फ आकर्षित बन्नेछ। तार्किक क्षमता एवं बोलीको प्रभावले स्वरोजगार भइनेछ।

मकर : सामाजिक तथा धार्मिक कार्यमा रुचि बढ्नेछ। कृषि र उत्पादनमूलक कार्य सहजै अघि बढ्नेछ। आकस्मिक धन लाभ हुनेछ। मायाप्रेममा आत्मीयताको बढोत्तरी हुनेछ। वैदेशिक कामबाट पनि राम्रै सफलता मिल्ला।

कुम्भ : मनमा उत्पन्न शंका तथा डरका कारण बनिसकेको काममा दुबिधा उत्पन्न हुन सक्छ। उच्च महत्वकाङ्क्षाले चुनौती र झमेला आउने देखिन्छ। खानपिनप्रति सजग र स्वास्थ्यको ख्याल गर्नुहोला। साँझमा भने सफल यात्राको योग छ।

मीन : सुन्दर पहिरनले व्यक्तित्वमा निखार ल्याउनेछ। प्रेमको बन्धन कसिने बेला छ। लामो समयदेखि रोकिएको कामको गाँठो फुक्नेछ। नयाँ ज्ञान सिक्ने मौका र रोजगारीको अवसर मिल्नेछ। चलाखीपूर्ण बोलीले कार्यसिद्ध हुनेछ।