केआईआईटी कलेजबाट फर्किएका विद्यार्थीलाई त्रिविले भर्ना दिने

काठमाडौँ। त्रिभुवन विश्वविद्यालयले भारतको ओडिसाको कलिङ्ग इन्स्टिच्युट अफ इन्डष्ट्रियल टेक्नोलोजी (केआईआईटी) कलेजबाट फर्किन बाध्य भएका नेपाली विद्यार्थीहरुलाई भर्ना दिने भएको छ ।

त्रिविले एक विज्ञप्ति जारी गर्दै त्रिविको क्रेडिट ट्रान्स्फर माध्यमबाट विद्यार्थीहरुको भर्ना लिइने जनाएको छ। नेपाली छात्रा प्रकृति लम्सालको शंकास्पद निधनपछि नेपाली विद्यार्थी स्वदेश फर्किएका थिए। उनीहरूको भविष्य अन्योलग्रस्त बनेको भन्दै त्रिविले भर्ना दिने बताएको छ। यसअघि पूर्वान्चल विश्वविद्यालय (पीयू)ले पनि भर्ना लिने बताएको थियो।