विपिन पोखरेललाई शिक्षा पत्रकारिता सम्मान

काठमाडौँ। शिक्षा पत्रकार विपिन पोख्रेल शिक्षा पत्रकारिता सम्मान २०८१ बाट सम्मानित भएका छन्। एसके मिडिया सोलुसनले काठमाडौँस्थित पर्यटनबोर्डमा आयोजना गरेको ‘९ औँ राष्ट्रिय क्यापीटल अवार्ड २०८१’मा शिक्षा पत्रकारिता क्षेत्रमा पुर्याएको योगदानको कदरस्वरुप पोखरेललाई सम्मान प्रदान गरिएको हो।

१५ वर्षदेखि शिक्षा पत्रकारितामार्फत नेपालको शैक्षिक क्षेत्रको विकासमा विभिन्न सञ्चार माध्यममा रहि यस क्षेत्रका सत्य तथ्य विषयलाई निश्पक्ष ढंगबाट समाचार सम्पे्रषण गर्न खेलेको भूमिकाको कदर स्वरुप शिक्षा पत्रकारिता सम्मान प्रदान गरिएको आयोजकले जनाएको छ।

पोख्रेललाई उपसभामुख इन्दिरा राना मगर, प्रतिनिधिसभा सदस्य एवं वागमति प्रदेशका पूर्व मुख्यमन्त्री राजेन्द्र पाण्डे, बागमती प्रदेशका प्रदेशसभा सदस्य दिपेन्द्र श्रेष्ठले सम्मान प्रदान गरेका थिए।