ईस्टूको अध्यक्षमा फेरि थापा, महासचिवमा उप्रेती

काठमाडौं। संस्थागत विद्यालय शिक्षक युनियन (ईस्टू) को सातौँ राष्ट्रिय महाधिवेशनबाट अध्यक्षमा होमकुमार थापा दोहोरिएका छन्। थापा यसअघि पनि अध्यक्ष थिए।

महाधिवेशनबाट भूपाल उप्रेती महासचिवमा निर्वाचित भएका छन्। उपमहासचिवमा यादव अधिकारी र श्याम कृष्ण मुकावली र अर्थ उपमहासचिवमा कुश्मिता तिवारी निर्वाचित बनेका छन्।

महाधिवेशनबाट २० सदस्यीय नयाँ कार्यसमिति बनेको छ। डा।मोतीराम फुयाँल, केशवराज पाठक र देवीदत्त पौडेल सहअध्यक्ष तथा वरिष्ठ उपाध्यक्षमा नारायण पौडेल र सरिता निरौला निर्वाचित भएका छन्।