लिग २ अन्तर्गत आज नेदरल्याण्ड्ससँग खेल्दै नेपाली टोली

काठमाडौँ। आईसीसी विश्वकप लिग २ मा आज नेपालले नेदरल्याण्ड्ससँग खेल्दैछ।

स्कटल्यान्ड, नेदरल्यान्ड्स र नेपाल सम्मिलित लिग२ अन्तर्गतको त्रिकोणात्मक शृंखलाको नेपालले आज आफ्नो दोस्रो खेल नेदरल्यान्ड्ससँग खेल्न लागेको हो।

स्कटल्यान्डको फोर्टहिल डुन्डीमा खेल नेपाली समयअनुसार दिउँसो पौने ४ बजेदेखि सुरु हुनेछ।

नेपालले सिरिजको पहिलो खेलमा स्कटल्यान्डविरुद्ध चमत्कारिक जित निकालेको थियो। नेदरल्यान्ड्सविरुद्धको पछिल्लो पाँच खेलमा नेपालले दुई जित र तीन हार ब्यहोरेको छ।

स्कटल्यान्डलाई हराएसँगै नेपाल ८ अंक बनाउँदै अंक तालिकामा पुछारबाट एक स्थान माथि उक्लिएको छ। युएईको ६ अंक छ।

२० खेल खेलिसकेको अमेरिका २८ अंक जोडेर शीर्षस्थानमा छ। २६ अंक जोडेको नेदरल्याण्ड्स दोस्रो र ओमान २४ अंकसहित तेस्रो स्थानमा छ।

चौथो स्थानको स्कटल्यान्डले २० अंक जोडेको छ। समान अंकसहित क्यानडा पाँचौं स्थानमा छ। नामिबिया १४ अंकका साथ छैटौं स्थानमा छ।