सस्तो शुल्कमा ‘एयरसन इन्टरनेट’को सेवा

खबर सेवा

पोखरा । पोखरा क्षेत्रमा इन्टरनेट सेवा प्रदान गर्दै आइरहेको एयरसन इन्टरनेट प्रा.लि.ले नयाँ अफर ल्याएको छ । गत वर्ष चैतबाट सेवा सुरु गरेको प्रालिले माघ १ गतेबाट लागु हुनेगरी अफर ल्याएको हो । प्रालिले ३० एमबिपिएस, ४० एमबिपिएस र ६० एमबिपिएसको प्याकेजमा इन्टरनेट जडान गरिरहेको छ । अफर अन्तर्गत विशेष छुटमा वर्षको क्रमशः ८ हजार ५ सय, १० हजार र ११ हजार ५ सय रुपैयाँका प्याकेजमा इन्टरनेट जडान भइरहेको प्रा.लि.का व्यवस्थापक तुलसी सापकोटाले जानकारी दिए ।

प्रा.लि.ले नेपाल दुरसञ्चार प्राधिकरणबाट इन्टरनेट सेवा प्रदानका लागि गत चैतमा लाइनसेन्स प्राप्त गरेको थियो । पोखराको चाउथेमा प्रधान कार्यालय स्थापना गरी सेवा प्रदान गरिरहेको प्रालिले पोखरामा दु्रत गतिको इन्टरनेट सेवा सस्तो शुल्कमा सेवा प्रदान गर्न सफल भएको सापकोटाले बताए ।

‘फास्ट फाइभजी फाइभर इन्टरनेटको सुविधा हामीले उपलब्ध गराएका छौं,’ उनले भने । प्रत्येक प्याकेजमा आइटी टिभी जडान गर्न सकिन्छ । यसका लागि वर्षको ३ हजार ५ सय रुपैयाँ शुल्क लाग्नेछ ।

एयरसन इन्टरनेटप्रति ग्राहकको आकर्षण बढिरहेको सापकोटाले जानकारी दिए । स्थानीय युवा व्यवसायीहरुको आबद्धतामा एयरसन इन्टरनेटको सेवा सुरुवात गरिएको हो । ‘इन्टरनेट जडानलाई भन्दा पनि जडान पछिको सेवालाई प्राथमिकतामा राखिएको छ,’ उनले भने ।

पोखरासँगै आगामी दिनमा लेखनाथ लगायत आसपासका क्षेत्रमा इन्टरनेट सेवा विस्तार गरिने प्रा.लि.ले जनाएको छ ।

प्रालिको वेवसाइटबाट पनि इन्टरनेट जडानको बुकिङ गर्न सकिने सापकोटाले जानकारी दिए । शुल्क भुक्तानी इसेवाबाट र खल्ती पेबाट पनि गर्न सकिन्छ ।