कलाकार अप्सराको अन्त्येष्टि

काठमाडौँ। शुक्रबार साँझ निधन भएकी कलाकार लक्ष्मी श्रेष्ठ (अप्सरा)को पशुपतिस्थित आर्यघाटमा अन्त्येष्टि गरिएको छ। कलाकारहरूको बाक्लो उपस्थितिमा उनको बिहान ९ बजे पार्थिव शरीरको अन्त्येष्टि गरिएको हो। श्रेष्ठलाई श्रद्धान्जली दिन पशुपति आर्यघाटमा चलचित्र विकाश बोर्डका अध्यक्ष डिनेश डिसी, कलाकार रामचन्द्र अधिकारी, दीपकराज गिरी, दिपक प्रसाद आचार्य, सुशीला निरौला विमली, गायिका राधिका हमाल लगायतको उपस्थिति थियो।

श्रेष्ठ विसं २०५२ सालमा ट्वाक्क टुक्कसँगै हिजो आजका कुरा सिरियलबाट कलाकारिता यात्रा सुरु गरेकी थिइन्।उनी मेरी बास्सैमा चर्चामा आएकी थिइन्। उनी पछिल्लो केही वर्ष यता क्यान्सर रोग पीडित थिइन्।