राष्ट्रियसभामा एमालेको प्रमुख सचेतकमा गोपाल भट्टराई मनोनीत

काठमाडौं। नेकपा एमालेले राष्ट्रियसभाको प्रमुख सचेतक परिवर्तन गरेको छ। भगवती न्यौपाने सामान्य प्रशासन मन्त्री बनेपछि उनको ठाउँमा गोपाल भट्टराई सत्तापक्षको प्रमुख सचेतकका रूपमा मनोनीत भएका हुन्।

दलका नेतासमेत रहेका प्रधानमन्त्री केपी शर्मा ओलीले भट्टराईलाई साउन १ गतेबाट लागू हुनेगरी राष्ट्रियसभाको प्रमुख सचेतक तोकेका छन् । लुम्बिनी प्रदेशबाट निर्वाचित भट्टराई रुपन्देही तिलोत्तमाका वासिन्दा हुन् ।