अवैधरूपमा चलेका कन्सल्टेन्सीमाथि वाणिज्य विभागको निरन्तर अनुगमन, वरिष्ठ अनुगमनकर्ता शाह भन्छन् : अवैध चलेकाहरूप्रति विभागले कडा कदम चाल्छ

काठमाडौं । वाणिज्य, आपूर्ति तथा उपभोक्ता संरक्षण विभागले अवैधरूपमा चलिरहेका एजुकेसन कन्सल्टेन्सीमाथि निरन्तर अनुमनगन गरिरहेको छ। बिहीबार मात्रै अनुगमन गरेर ९ कन्सल्टेन्सीलाई ६ लाखमाथि जरिबाना गराएको विभागले शुक्रबार फेरि ५ कन्सल्टेन्सीलाई जरिवाना, ३ कन्सल्टेन्सीलाई ३ दिनभित्र विवरण पठाउन र ५ कन्सल्टेन्सीलाई सामान्य निर्देशन दिएको छ।

विभागले शुक्रबार काठमाडौँ ३२ का काठमाडौँ ग्लोबल प्रालि, काठमाडौँ ३१ स्थित रिलेजेन्ट इन्टरनेशनल एजुकेशन प्रालिलाई एक एक लाख जरिबाना गरेको छ। यस्तै, काठमाडौँ ३१ कै फास्टलेन टेक्निकल इन्सिच्युट एन्ड कन्सल्टेन्सी र काठमाडौँ १० को ए वान ग्लोबल कन्सल्टेन्सी प्रालि र काठमाडौँ १० मिरेकल एजुकेसन सर्भिसलाई ५१। ५१ हजार रुपैयाँ जरिबाना गरेको छ।

उनीहरूमार्फत विभागले ३ लाख ५३ हजार जरिवाना उठाएको विज्ञप्तिमार्फत जनाएको छ। यस्तै, ३ कन्सल्टेन्सीलाई ३ दिनभित्र व्यवसायसँग सम्बन्धित कागजात लिइ विभागमा उपस्थित हुन निर्देशन दिएको छ। जुन कन्सल्टेन्सीमा काठमाडौँ १० को कृष्ण फाउन्डेसन प्रालि, काठमाडौँ ३२ को सा सा फेन्सी कलेक्शन, काठमाडौँ ३२ कै रुकमणि मार्वल एन्ड ग्रेनाइट हाउसलाई ३ दिनभित्र विभागमा कागजात लिएर उपस्थित हुन निर्देशन दिएको हो।

विभागले काठमाडौँ नगरपालिका १० स्थित इम्पायर नेपाल एजुकेशन प्रालि, काठमाडौँ १० कै प्रोफेशनल एजुकेशनल कन्सल्टेन्सी प्रालि, काठमाडौँ १० कै भि इ टी यू इन्टरनेशन इस्टडीज, काठमाडौँ १० स्थितकै अनुकृत ट्रेड प्रालि र काठमाडौँ २ को आई डी पी एजेकेशन नेपाल प्रालिलाई सामान्य निर्देशन दिएको छ।

विभागका वरिष्ठ अनुगमन निरीक्षक अमित झालका अनुसार शिक्षा क्षेत्रमा सुधारका लागि विभाग निरन्तर लाग्ने बताएका छन्। उनले गैरकानुनी तवरले चलेका कन्सल्टेन्सीलाई कारबाही प्रक्रिया अघि बढाउन र सबैलाई कानुनी दायरामा ल्याउन निरन्तर अनुगमन गर्ने बताउँछन्।

इजाजत पूरा नगरी सञ्चालित कन्सल्टेन्सीमाथि कारबाही, यी हुन् कारबाहीमा परेका कन्सल्टेन्सी