१० वर्षपछि माओवादीमा समाहित गंगानारायणलाई स्कुल विभागको उपप्रमुखको जिम्मेवारी

काठमाडौँ । १० वर्षपछि नेकपा माओवादी केन्द्रमा समाहित भएका गंगानारायण श्रेष्ठलाई स्कुल विभाग उपप्रमुखको जिम्मेवारी दिएको छ।

केही समयअघि नेपाल समाजवादी पार्टी(नेसपा)बाट एकतामा आएका उनलाई माओवादीले स्कुल विभागको जिम्मेवमरी तोकेको हो। उनी माओवादीमा सचिव छन्। यसअघि लामो समय श्रेष्ठले पूर्वप्रधानमन्त्री डा,बाबुराम भट्टराई निकट भएर काम गरे।

बाबुराम माओवादीबाट बाहिरिएसँगै उनी सँगै गएका थिए। तर अघिल्लो वर्ष नै बाबुराम छाडेका उनी केही समयअघि माओवादीमा समाहित भएका हुन्। हाल उनी सिन्धुलीबाट प्रदेशसभामा चुनाव जितेर बागमतीमा प्रदेश सांसद छन्।यसअघि श्रेष्ठ बागमतीको आर्थिक मामिला मन्त्री समेत थिए।