सामाजिक सन्जालमा अमर्यादित भाषा लेख्ने व्यक्ति थुनामा

काठमाडौं । सामाजिक सञ्जालमार्फत सम्मानित व्यक्तित्वहरूलाई लक्षित गरी अमर्यादित र हिंसात्मक भाषा प्रयोग गरेको आरोपमा प्रहरीले एक युवकलाई पक्राउ गरेको छ ।
साइबर ब्यूरो भोटाहिटीले दिएका अनुसार पक्राउ पर्नेमा नुवाकोट तादी गाउँपालिका वडा नम्बर ३ स्थायी घर भई हाल काठमाडौँ कागेश्वरी मनोहरा नगरपालिका वडा नम्बर ७ मुलपानीमा बस्दै आएका सुमन थापा (प्रेम बहादुर थापा) रहेका छन्।

थापाले सामाजिक सञ्जालमा सार्वजनिक पदधारण गरेका व्यक्तिहरूलाई लक्षित गरी हिंसात्मक तथा अपमानजनक भाषा प्रयोग गरी पोस्ट गर्ने गतिविधि गर्दै आएको प्रारम्भिक प्राविधिक अनुसन्धानबाट खुलेको प्रहरीले जनाएको छ ।