पोखरा । गण्डकी प्रदेशकै पहिलो र अग्रणी रेफरेन्स ल्याब युनाइटेड रेफरेन्स ल्याबोरेटरी प्रालि(युआरएल)ले स्याङ्जाको पुतलीबजारमा सेवा विस्तार गरेको छ । यसअघि स्याङ्जाकै बालिङमा युआरएलको शाखा खुलिसकेको छ ।
स्याङ्जा बजार र आसपासका सेवाग्राहीलाई गुणस्तरीय सेवा दिन शुक्रबारबाट औपचारिक रुपमा सातौं शाखा सञ्चालन हुने युआरएलका अध्यक्ष ठाकुरप्रसाद पन्तले जानकारी दिए । करिब १ करोड लगानीमा स्थापना भएको प्रयोगशालाबाट भिटामिन, क्यान्सर, थाइराइड, बाँझोपन, मृर्गौला, कलेजो, मुटु, हाडजोर्नी, बाथ, नशा, एलर्जी सहितका जाँच हुने छन् ।
विभिन्न संघ, संस्थासँग सहकार्य गरी कास्की र गण्डकीका विभिन्न जिल्लामा युआरएलले सित्तैमा रगत जाँच शिविर र सचेतना कार्यक्रम आयोजना गर्दै अएको छ । युआरएल अध्यक्ष पन्त भन्छन्, ‘प्रदेशको पहिलो र अग्रणी ल्याब भएकाले यो क्षेत्रमा प्रदेशलाई आत्मनिर्भर बनाउने, सामाजिक उत्तरदायित्व निर्वाह गर्ने र जनतालाई सुलभ तवरले गुणस्तरीय सेवा दिन हामी प्रतिबद्ध छौं ।’
ल्याब स्थापनाको अवसरमा वैशाख महिनाभर मधुमेह जाँच सित्तैमा र अरु सबै प्रकारका जाँचमा ३० प्रतिशत छुट दिइएको छ । युआरएल गण्डकी प्रदेशका बासिन्दालाई स्थानीय ठाउँमै गुणस्तरी ल्याब सेवा दिन प्रतिवद्ध रहेको अर्थ निर्देशक गणेश कोइरालाले बताए ।
