भक्तपुरको एभरेस्ट स्कुलमा अन्तर सांस्कृतिक कार्यक्रम

भक्तपुर। एभरेस्ट स्कुल मिवाछें व्यासी भक्तपुरको आयोजनामा आइतबार भक्तपुरमा अन्तर सांस्कृतिक कार्यक्रम भएको छ।
नेपाल र जर्मन दुई देशवीचको सम्बन्धलाई अझ मजबुत बनाउने उद्देश्यका साथ अन्तर सांस्कृतिक कार्यक्रमको आयोजना गरिएको हो ।

कार्यक्रमको पहिलो चरणमा नेपाल र जर्मन दुई देशका विभिन्न सांस्कृतिक कार्यक्रम प्रस्तुति गरिएको थियो। नेपाली धिमे नाचलगायत देखाइएको थियो भने जर्मनका विभिन्न नाचहरु पनि एउटै स्टेजमा देखाइएको थियो । दुवै नाच नेपाली विद्यार्थीले देखाएका थिए ।

कार्यक्रमको दोश्रो चरणमा विभिन्न स्टलहरु राखेर प्रदर्शन गरिएको थियो । ती स्टलहरुमा नेपाली र जर्मन खानाका विभिन्न परिकारहरुको स्वाद चाख्न सकिने व्यवस्था पनि गरिएको थियो । इच्छुकहरुले पैसा तिरेर ती स्वादको मज्जा लिएका थिए।

साथै कार्यक्रममा नेपालका विभिन्न खेलहरुको पनि प्रदर्शन गरिएको थिए । साथै जर्मनमा विभिन्न स्टलहरु पनि रहेका थिए ।

कार्यक्रममा आयोजक स्कुलका संस्थापक प्रिन्सिपल भक्त राजभण्डारी, स्कुलका जर्मन भाषा शिक्षकलगायतले नेपाल र जर्मनको सम्वन्धकोबारेमा चर्चा गरेका थिए । कार्यक्रममा स्कुलमा चारदेखि ८ कक्षासम्मका विद्यार्थीहरु सहभागी रहेका थिए ।