जेनजीको प्रदर्शनले संसद् बैठक प्रभावित, राष्ट्रियसभा स्थगित

काठमाडौँ । जेनजी पुस्ताको आन्दोलनका कारण राष्ट्रिय सभाको बैठक नै प्रभावित भएको छ।

आन्दोलन उग्र बनेपछि संसद भवन आसपासका क्षेत्रमा कर्फ्यू लगाइएको छ भने आन्दोलनकारीले संसद भवनको गेटमा नै आगो लगाइदिएका छन्।

सुरक्षा घेरा तोड्दै निषेधित क्षेत्र पार गरेका प्रदर्शनकारी संसद भवनको गेट नाघेर भित्र छिरेका थिए। उनीहरुलाई तितरवितर पार्न प्रहरीले पानीका फोहरा र अश्रुग्यास हानेको थियो।

त्यसैका कारण आज सोमबार दिउँसो १स्१५ बजे बोलाइएको बैठक राष्ट्रियसभा अध्यक्ष नारायण दाहालले भदौ २५ गते बुधबार दिउँसो १स्१५ बजे बस्नेगरी बोलाएको संसद सचिवालयका महासचिव पद्म प्रसाद पाण्डेयले जानकारी दिए।