जेनजीको प्रदर्शनबारे धारणा बनाउन कांग्रेस शीर्ष नेताको बैठक जारी

काठमाडौं। नेपाली कांग्रेसका शीर्ष नेताको बैठक जारी रहेको छ ।

सोमबार जेनजीले गरेको विरोध प्रदर्शनमा प्रहरी दमनबाट सर्वसाधारणको मृत्यु एवं दर्जनौं घाइते भएपछि सभापति शेरबहादुर देउवाले आकस्मिक बैठक बोलाएका हुन् ।

सभापति देउवा निवास बुढानीलकण्ठमा वर्तमान र पूर्व पदाधिकारीहरुको बैठक साँझ ५ बजेदेखि जारी छ ।

जेनजीले गरेको प्रदर्शनमा प्रहरीले गोली चलाउँदा काठमाडौंमा १७ जनाको मृत्यु भएको छ । आन्दोलन उपत्यका बाहिर पनि फैलिएको छ । इटहरीमा दुई जनाको मृत्यु भएको छ ।