भीम रावलको घरमा पनि जेनजीले गरे आगजनी

काठमाडौं। मातृभूमि जागरण अभियानका प्रस्तावक तथा पूर्व उपप्रधानमन्त्री डा. भीमबहादुर रावलको टोखास्थित निवासमा गएराति आगजनी गरिएको छ।

प्रहरीका अनुसार आइतबार साँझ करिब ६:३० बजे अज्ञात समूहले आगो लगाएको हो। डा. रावल विगत लामो समयदेखि खड्ग प्रसाद ओलीको निरंकुश शैली र स्वेच्छाचारी शासनविरुद्ध अनवरत आवाज उठाउँदै आएका छन्।

स्वाधिनता र राष्ट्रियताको पक्षमा प्रखर रूपमा बोल्दै आएका रावलमाथिको यो आक्रमणलाई धेरैले जेन्जी विद्रोहको आवरणमा भएको सुनियोजित प्रहारको रुपमा व्याख्या गरेका छन्।

स्थानीयबासी र सुरक्षाकर्मीको प्रयासपछि आगो नियन्त्रणमा ल्याइएको भए पनि निवासको केही भाग क्षतिग्रस्त भएको बताइएको छ।