तोकिएको समयमै चुनाव हुने वातावरण बनाऔँ : एकीकृत समाजवादी

काठमाडौं । नेकपा एकीकृत समाजवादीले तोकिएकै समयमा प्रतिनिधि सभा चुनाव हुने वातावरण बनाउन सरकार र सम्बन्धित सबै पक्षसँग आग्रह गर्नुभएको छ।

बिहीबार बसेको सचिवालय बैठकले तोकिएकै समयमा चुनाव गराउने वातावरणका निम्ति सबै पक्षसँग आग्रह गर्ने निर्णय गरेको हो ।

‘तोकिएको मितिमा निष्पक्ष, शान्तिपूर्ण र भयरहित वातारणमा निर्वाचन सुनिश्चित गर्न, गराउन हाम्रो पार्टी नेपाल सरकार, राजनीतिक दलहरू, नागरिक समाज एवं सम्बन्धित सबैमा हार्दिक आह्वान गर्दछ,’ प्रचार विभाग प्रमुख प्रकाश ज्वालाले जारी गरेको वक्तव्यमा भनिएको छ ।

एकीकृत समाजवादीले जेनजी विद्रोहमा भएको दमन र प्रदर्शनकारीबाट भएको भौतिक संरचना क्षतिबारे छानबिन गर्न आयोग गठनको माग पनि राखेको छ ।