पहिरो र डुबानको जोखिम बढेका बेला नेता–कार्यकर्तालाई जनतासँगै रहेर जुट्न प्रचण्डको निर्देशन

काठमाडौं। नेकपा (माओवादी केन्द्र) का महाधिवेशन आयोजक कमिटीका संयोजक पुष्पकमल दाहाल ‘प्रचण्ड’ले भारी वर्षा, बाढी, पहिरो र डुबानको जोखिम बढिरहेका बेला पार्टीका नेता–कार्यकर्तालाई जनतासँगै रहेर सक्रियतापूर्वक जुट्न निर्देशन दिनुभएको छ।

शुक्रबार सामाजिक सञ्जाल फेसबुकमार्फत उनले मौसम विभागले जारी गरेको चेतावनीअनुसार देशका विभिन्न क्षेत्रमा उच्च जोखिम देखिएको भन्दै जनसमुदायलाई सतर्क रहन अपिल गर्नुभएको हो।

हालले तीनै तहका सरकारलाई आवश्यक पूर्वतयारीसहित विपद् प्रतिकार्यमा सक्रिय हुन आग्रह गर्नुभएको छ।