मधेशका मुख्यमन्त्रीले असोज २८ मा विश्वासको मत लिने

काठमाडौं । मधेशका मुख्यमन्त्री सतिशकुमार सिंहले आगामी २८ असोजमा विश्वासको मत लिनुहुने भएको छ। मधेश प्रदेश सभाले आगामी २८ असोज दिउँसो १ बजेका लागि प्रदेश सभा बैठक बोलाएको हो ।

विश्वासको मत लिने प्रयोजनका लागि मधेश प्रदेश सभा बैठक डाकिएको प्रदेश सभाका सचिव वासुप्रसाद कोइरालाले जानकारी दिनुभयो।

गत शुक्रबार मुख्यमन्त्री सिंहले मधेश प्रदेश सभालाई एक पत्र लेख्दै विश्वासको मत लिनका लागि वातावरण मिलाइदिन पत्र पठाउनुभएको थियो । गत २३ र २४ भदौको जेनजी आन्दोलन चर्किएको समयमा सिंहले मुख्यमन्त्री पदबाट राजीनामा घोषणा गर्नुभएको थियो।