ओलीको प्रतिवेदन : २३ गतेको गोलीकाण्डमा आदेश थिएन, २४ गतेको दंगा केका लागि?

काठमाडौं । नेकपा एमालेका अध्यक्ष केपी शर्मा ओलीले केन्द्रीय कमिटी बैठकमा १५ बुँदे राजनीतिक प्रतिवेदन पेस गर्नुभएको छ। जेनजी विद्रोहपछि सत्ताच्यूत भएका ओलीले केन्द्रीय कमिटी बैठकमा पछिल्ला विकसित घटनाक्रम समेटेर ६ पृष्ठको प्रतिवेदन पेस गर्नुभएको हो।

उहाँले जेनजी आन्दोलनमा आफूले गोली चलाउन आदेश दिएको भन्ने आरोपको खण्डन गर्नुभएको हो।

प्रतिवेदनमा भनिएको छ, ‘गोली चलाउने आदेश कानुनतः अधिकार प्राप्त संस्था वा अधिकारीले मात्र दिन सक्दछ र प्रधानमन्त्री त्यस्तो अधिकारी होइन भन्ने स्पष्ट छ। भदौ २३ गतेको गोलीकाण्डको बारेमा प्रधानमन्त्रीलाई घटना घटेपछि थाहा भएको हो ।’