दानीखेतमा जिप दुर्घटना हुँदा एकको मृत्यु

काठमाडौं। दार्चुलाको मार्मा गाउँपालिका–३, दानीखेतमा जिप दुर्घटना हुँदा एक जनाको मृत्यु भएको छ ।

शुक्रबार बिहान लटिनाथबाट सार्सीतर्फ जाँदै गरेको सुपप्र ०१ ००१ ज १६६२ नम्बरको जिप दानीखेतमा दुर्घटना भएको हो । उक्त दुर्घटनामा परी जिपका मालिक ३४ वर्षीय करविरसिंह ठगुन्नाको मृत्यु भएको जिल्ला प्रहरी कार्यालयका प्रहरी निरीक्षक विक्रम शाहीले जानकारी दिनुभयो।

जिप कसले चलाएको र कसरी दुर्घटना भयो भन्नेबारे थाहा हुन नसकेको प्रहरीले जनाएको छ । जिप चालकको खोजी गर्न इलाका प्रहरी कार्यालय लटिनाथबाट प्रहरी टोली घटनास्थलतर्फ गएको छ ।