बाबुराम, सुदन र सन्तोषबीच पार्टी एकता गर्ने सहमति

काठमाडाैँ । पूर्वप्रधानमन्त्री डा. बाबुराम भट्टराई नेतृत्वकाे नेपाल समाजवादी पार्टी (नयाँ शक्ति), रवि लामिछाने नेतृत्वकाे रास्वपा छाडेका सन्तोष परियार र प्रगतिशील राष्ट्रिय अभियानका संयाेजक सुदन किरातीबिच मंसिर ७ गते एकता हुने भएकाे छ ।

‘मङ्सिर ७ गते वृहत् एकता घोषणा कार्यक्रम गर्न सहमत भएका छौँ’, सहमति पत्रमा भनिएको छ । साथै उनीहरुले देश तथा विदेशमा बस्ने प्रगतिशील, लोकतान्त्रिक, वामपन्थी र देशभक्त शक्तिहरू र विशेष गरी जेनजी पुस्तालाई बृहत् राजनीतिक पुनर्संरचनाको अभियानमा सहभागी हुन आह्वान गरेका छन् ।

‘भ्रष्ट, अनैतिक र अहङ्कारी प्रवृत्तिहरूलाई निर्वाचनबाटै परास्त गर्न सम्पूर्ण नयाँ तथा वैकल्पिक शक्तिहरू र नवयुवाहरूलाई हातेमालो गर्न अपिल गर्दछौँ’, सहमतिपत्रमा भनिएको छ ।