एकतामा आउने नेता व्यवस्थापन गर्न रास्वपाले बनायो फेडरल लिडरसिप फोरम

काठमाडौं। एकतामा आउने नेताहरू व्यवस्थापन गर्न राष्ट्रिय स्वतन्त्र पार्टी (रास्वपा) फेडरल लिडरसिप फोरम (संघीय नेतृत्व मञ्च) बनाएको छ।

रास्वपाका प्रवक्ता मनिष झाका अनुसार यही १२ मंसिरमा साँझ रास्वपाको विशेष बैठक (भर्चुअल) बसेको थियो । जसबाट संघय नेतृत्व मञ्च स्थापनाको निर्णय अनुमोदित भएको थियो।

असल शासन र समुन्नतिसँग सरोकार राख्ने सबै सुसंस्कृत एवं परिवर्तनकामी राजनीतिक शक्तिहरूसँग मुद्दागत र सांगठनिक सहकार्यका पृथक विधिहरु अवलम्बन गर्दै संवाद प्रकृयालाई घनिभूत बनाउन राष्ट्रिय स्वतन्त्र पार्टीको ‘उच्च संवाद समिति’लाई केन्द्रीय समितिले यही ३ मंसिरमा निर्देशन दिएको थियो।

उक्त निर्देशन अनुरूप पार्टी सचिवालयले संघीय नेतृत्व मञ्च गठनको प्रस्ताव गरेको थियो जसलाई विशेष बैठकले अनुमोदित गरेको हो।