मेयर बालेन शाहका बुबा रामनारायण शाहको निधन, आर्यघाटमा अन्त्यष्टि

काठमाडौं। काठमाडौं महानगरपालिकाका मेयर बालेन्द्र शाहका बुबा रामनारायण शाहको सोमबार निधन भएको छ। केही दिनदेखि स्वास्थ्य अवस्था कमजोर भइरहेकाले आइतबार बिहान बेहोस अवस्थामा  उनलाई नयाँ बानेश्वरस्थित सिभिल अस्पताल पुर्‍याइएको थियो।

अस्पतालका चिकित्सकका अनुसार उहाँलाई एक सातादेखि मधुमेह र पिसाब संक्रमण (UTI) का समस्या रहेका थिए। समयमै संक्रमण नियन्त्रण हुन नसकेपछि पिसाबको संक्रमण शरीरभरि फैलिएको बताइएको छ।

अस्पताल आएपछि उनको अवस्था अत्यन्तै गम्भीर देखिएको र भेन्टिलेटरमा राखेर उपचार गर्दै गर्दा उहाँको मृत्य भएको  चिकित्सकहरूले बताएका हुन्।