काठमाडौं १ बाट राप्रपा वरिष्ठ उपाध्यक्ष मिश्रसहितका ३ उम्मेद्वार सिफारिस

काठमाडौँ । राप्रपा नेता रवीन्द्र मिश्र आगामी निर्वाचनका लागि काठमाडौँ- १ बाट उम्मेदवार सिफारिस हुनुभएको छ। शनिबार सो पार्टीको क्षेत्रीय कमिटीले मिश्रलाई काठमाडौँ–१ बाट उम्मेदवार सिफारिस गर्ने निर्णय गरेको हो ।

कमिटीले मिश्रलाई पहिलो नम्बरमा राखेर सो क्षेत्रमा प्रत्यक्षतर्फ ३ जनाको नाम केन्द्रमा सिफारिस गरेको छ । प्रत्यक्षतर्फ सिफारिस हुनेमा रवीन्द्र मिश्र, रामेश्वर श्रेष्ठ, राम तन्दुकार हुनुहुन्छ। मिश्र राप्रपाका वरिष्ठ उपाध्यक्ष हुनुहुन्छ।

यसअघि उहाँ सोही क्षेत्रबाट पराजित हुनुभएको थियो । अहिले पनि उहाँ सोही क्षेत्रबाट चुनाव लड्ने तयारीमा हुनुहुन्छ। यसअघि काठमाडौं  १ बाट कांग्रेस नेता प्रकाशमान सिंह निर्वाचित हुनुभएको थियो। यसअघि सिंह र मिश्रको सोही क्षेत्रमा दुई पटक प्रतिस्पर्धा भयो। तर दुई पटक नै मिश्र उपविजेता हुनुभयो।