साहित्यकार गुरुङको निधन

लमजुङ। साहित्यकार भाषाविज्ञ तथा संस्कृतिविद् पैंडी इन्द्रबहादुर गुरुङको ९२ वर्षको उमेरमा निधन भएको छ । लमजुङको क्व्होलासोथार गाउँपालिका–९, गिलुङ निवासी गुरुङको पोखरास्थित मनिपाल शिक्षण अस्पतालमा उपचारको क्रममा बिहीबार राति निधन भएको हो ।

वि.सं. १९९१ भदौ ३१ गते शिरसुब्बा गुरुङ र चर्माखु गुरुङको कोखबाट जन्मिनुभएका उहाँ गुरुङ भाषा, संस्कार र संस्कृतिका अध्येता हुनुहुन्थ्यो । गुरुङ समुदायमा पुरोहितलाई ‘पैंडी’ भनिन्छ । गुरुङ नेपाल प्रज्ञा प्रतिष्ठानका प्राज्ञ सदस्य पनि हुनुहुन्थ्यो ।