प्रभु बैंकका सीईओ रिहा

काठमाडौं। प्रभु बैंकका प्रमुख कार्यकारी अधिकृत (सीईओ) अशोक शेरचन रिहा हुनुभएको छ। म्याद थपका लागि लगिएकोमा सरकारी वकिलको कार्यालयले छोड्ने आदेश दिएको हो । शेरचनलाई बाहिरै राखेर मुद्दाको थप अनुसन्धान हुने छ ।

शेरचनको स्वास्थ्यमा समस्या रहेका कारण चिरायु अस्पतालमा उपचार गरिरहनुभएको थियो । उहाँलाई १४ मंसिरमा बैंकको केन्द्रीय कार्यालयबाट प्रहरीले पक्राउ गरेको थियो । बैकिङ कसुरमा प्रहरीको केन्द्रीय अनुसन्धान व्युरो (सीआईबी) ले अनुसन्धानका लागि पक्राउ गरेर म्याद थपिरहेको थियो ।

बैंक तथा वित्तिय समस्याको अनुगमन, मूल्यांकन, निरीक्षण, अनुसन्धान र निर्देशन मात्र होइन, कारबाहीको जिम्मेवारी राष्ट्र बैंकको रहेका छ । तर, राष्ट्र बैंकको क्षेत्राधिकार मिचेर सीआईबीले शेरचनलाई पक्राउ गरेको थियो ।