इलाम २ बाट फेरि सुहाङ नेम्बाङ चुनाव लड्ने

काठमाडौं। आगामी फागुन २१ गते हुने प्रतिनिधिसभा निर्वाचनका लागि नेकपा (एमाले) इलामले क्षेत्र नम्बर २ बाट सुहाङ नेम्वाङको नाम सिफारिस गरेको छ ।

आज बसेको क्षेत्रीय कमिटीको बैठकले नेम्वाङको नाम एकल सिफारिस गरेको इलाम इन्चार्ज समेत रहेका केन्द्रीय सदस्य रामबहादुर रानाले जानकारी दिनुभयो।

सुहाङ निवर्तमान प्रतिनिधिसभा सदस्य पनि हुनुहुन्छ। सुवास नेम्वाङको निधन भएपछि उपनिर्वाचनमा एमालेले उहाँलाई उम्मेदवार बनाएको थियो ।