जेनजी आन्दोलनको भावनाको ठूला दलले अपमान गरे , राप्रपाले सम्मान गर्छ :- बर्तौला

हेटौंडा । राष्ट्रिय प्रजातन्त्र पार्टीका नेता राजाराम बर्तौलाले जेनजी आन्दोलनको भावनाको ठुला भन्न रुचाउने दलहरुले अपमान गरेको बताउनुभएको छ ।

जेनजीहरू यथास्थिति खोजेका नभई परिबर्तन खोजेको भन्दै बर्तौलाले ठुला दलहरु परिवर्तनले पक्षमा नभएको स्पष्ट पार्नुभयो। आज तत्कालीन राप्रपा नेपाल मकवानपुरको अन्तिम बैठकलाई हेटौंडामा सम्बोधन गर्दै बर्तौलाले भ्रष्टतन्त्र र भ्रष्ट ब्यबस्थाको अन्त्यको लागि राप्रपा मात्र अन्तिम बिकल्प भएको दाबी गर्नुभयो।

जेनजी आन्दोलनको भावानाको सम्मान गर्ने शक्ति राप्रपा मात्र भएको उहाँको जिकिर थियो । पछिल्लो गतिविधि हेर्दा ठुला भन्ने दलहरुले जेनजी आन्दोलनको भावना माथि कुठाराघात गरेको भन्दै उनले यथास्थिति बाट अघि बढ्न खोज्नु दुर्घटना निम्त्याउनु भएको समेत स्पष्ट पार्नुुभयो।

गणतन्त्र , धर्मनिरपेक्षता र संघीयता बोक्नेहरुले जेनजी आन्दोलनको मर्म बुझ्न नसक्ने समेत उहाँको दाबी थियो । राप्रपा र राप्रपा नेपाल मुलुकमा बलियो राष्ट्रबादी प्रजातान्त्रिक शक्ति आबश्यक भएकोले कार्यकर्ताको भावना अनुसार एक भएको समेत बताउनुभयो।

गुरु प्रसाद सापकोटाको अध्यक्षतामा भएको बैठकले पार्टीलाई निर्बाचन केन्द्रित बनाउन योजनाबद्ध रुपले अघि बढाउने निर्णय गरेको भ्रुगु कार्किले जानकारी दिनुभयो।