कांग्रेसको विशेष महाधिवेशन पक्षले प्रतिनिधिका लागि गर्यो काठमाडौंमा कोठा व्यवस्थापन

काठमाडौं। नेपाली कांग्रेसको विशेष महाधिवेशन आयोजक समितिले प्रतिनिधिका लागि काठमाडौंमा कोठा व्यवस्थापन गरेको छ ।

आवास तथा भोजन समितिका संयोजक रमेश धमलाका अनुसार विशेष महाधिवेशनमा आउने प्रतिनिधिका लागि एक हजार ५०० कोठा बूक गरिएको हो । एयरपोर्ट, सुन्धारा, ठमेल र नक्साल क्षेत्रका होटलमा ती कोठा बुक गरिएको छ ।

‘फोकल पर्सन तोकेर हरेक निर्वाचन क्षेत्रबाट आएका साथीहरूलाई सहज रूपमा बस्न पाउने गरि व्यवस्थापन भएको छ’, धमलाले भन्नुभयो।

नेपाली कांग्रेसका महामन्त्रीद्वय गगनकुमार थापा र विश्वप्रकाश शर्मासहितका नेताहरूले यही पुस २७ र २८ गते काठमाडौंमा विशेष महाधिवेशन आह्वान गर्नुुभएको छ।