पूर्वमिस्टर नेपाल उपाध्याय अछाम २ बाट प्रतिनिधिसभाको चुनावमा उठ्ने

काठमाडौं । पूर्वमिस्टर नेपाल तथा टिभी होस्ट सन्तोष उपाध्यायले अछाम २ बाट प्रत्यक्षतर्फ प्रतिनिधिसभाको चुनाव लड्ने घोषणा गर्नुभएको छ। सामाजिक सञ्जालबाट उनले आफूलाई सघाउन आग्रह समेत गर्नुभएको हो।

नेपाली कांग्रेस अछामले उहाँको नामलाई प्रत्यक्षतर्फ उम्मेदवारको रुपमा केन्द्रमा सिफारिस गरेको छ । यदि त्यसो नभए, स्वतन्त्र उम्मेदवारको रुपमा भएपनि चुनाव लड्ने तयारी उहाँको छ ।

चाँडै अछामतिर लागेर चुनावको तयारी तीव्ररुपमा अघि बढाउने उहाँको योजना छ । जेनजी आन्दोलनपछि उनले नेविसंघबाट राजीनामा समेत दिनुभएको थियो।

अछाम जिल्ला घर भएका सन्तोष चिकित्सक हुुनुहुन्छ। त्रिवि शिक्षण अस्पतामा छात्रवृतिमा नाम निकालेका सन्तोषले पढाइसँगै करारको २ वर्ष अछामको कमलबजार प्राथमिक स्वास्थ्यकेन्द्रमा सेवा दिनुभएको थियो।

उहाँ हावर्डबाट ‘लिडरसिफ इन मेडिसिन’ विषयमा स्नातकोत्तर गरेर नेपाल फर्किनुभएको थियो। उहाँ सन् २०१९ का मिस्टर नेपालका विजेता हुनुहुन्छ।