पार्टी फुटे पनि केन्द्रीय कार्यालय कब्जा गर्न दिन्नौँ : तरुण दल

काठमाडौँ। नेपाली काँग्रेसको भ्रातृ संगठन नेपाल तरुण दलले पार्टी फुटे पनि सानेपास्थित पार्टी कार्यालय कब्जा गर्न नदिने चेतावनी दिएको छ।

विशेष महाधिवेशन पक्षधरले नयाँ नेतृत्व चयन प्रक्रिया शुरु गरिरहेका वेला संस्थापन पक्ष निकट तरुण दलका नेता, कार्यकर्ताहरूले यस्तो चेतावनी दिनुभएको हो।

मंगलवार सानेपास्थित पार्टी कार्यालयमा भेला भएर उहाँहरूले यस्तो दबाव दिएका उहाँहरूले पार्टीलाई एकताबद्ध बनाएर लैजान महामन्त्री गगनकुमार थापालाई आग्रह गर्नुभएको छ। महामन्त्री थापा सिंगो पार्टीको नेता बन्नसक्ने भएकाले उहाँलाई पार्टीलाई एकताबद्ध बनाएर लैजान आग्रह गरिएको पनि तरुण दलका सभापति विद्वान गुरुङले बताउनुभयो।

उहाँले पार्टी सभापति शेरबहादुर देउवा पार्टी एकताको पक्षमा रहेको र त्यसैकारण दुई पक्षबीच वार्ता भइरहेको समेत बताउनुभयो।