नेकपाले पर्वतबाट मनहरि तिमल्सिनालाई उम्मेद्वार बनायो

काठमाडौं । नेपाली कम्युनिस्ट पार्टीले पर्वतमा मनहरी तिमल्सिनालाई उम्मेदवार बनाएको छ। फागुन २१ गते हुने निर्वाचनको लागि संयोजक पुष्पकमल दाहाल प्रचण्ड र सहसंयोजक माधव नेपालले तिमल्सिनालाई टिकट दिनुभएको हो।

लामो समय प्रचण्डको सचिवालयमा काम गरेका तिमल्सिनाले टिकट पाएपछि आफूमा देखाउनुभएको विश्वास, भरोसा र आत्मीयताले थप जिम्मेवार र दृढ बनाएको बताउनुभएको छ। उहाँले विश्वास केवल राजनीतिक समर्थन मात्र होइन, पर्वतको भविष्यप्रतिको सामूहिक आशा र अपेक्षाको प्रतिबिम्ब हो भन्नुुभएको छ।

राजनीतिक चश्माभन्दा माथि उठेर सबैको साझा प्रतिनिधिका रूपमा इमानदार भूमिका निर्वाह गर्ने बताउनुभएको छ।

उहाँले भन्नुभयो, ‘मेरा लागि पद होइन, कर्तव्य महत्वपूर्ण छ। सत्ता होइन, सेवा प्राथमिकता हो।’ यहाँ गएको निर्वाचनमा एमालेका पदम गिरी विजयी हुनुभएको थियो।