गोरखा १ बाट कबीन्द्रले टिकट पाउँदा गोरखा २ मा सुदन गुरुङ रास्वपाको उम्मेदवार

काठमाडौं। राष्ट्रिय स्वतन्त्र पार्टीले गोरखाका दुवै निर्वाचन क्षेत्रका लागि उम्मेदवारको टुंगो लगाएको छ। पार्टी केन्द्रले आइतबार अबेर गोरखाका दुवै क्षेत्रका लागि उम्मेदवारको टुंगो लगाएको जिल्ला सचिव मिलन रानाले जानकारी दिनुुभएको छ।

उनका अनुसार गोरखा १ बाट सुदन गुरुङलाई उम्मेदवार बनाउने निर्णय भएको छ। त्यस्तै गोरखा २ बाट कवीन्द्र बुर्लाकोटीलाई उम्मेदवार बनाइएको सचिव रानाले जानकारी दिनुभयो। सुदन गुरुङ जेनजी आन्दोलनपछि एकाएक देखापरेका व्यक्तित्व हुनुहुन्छ। क्षेत्र नम्बर. १ अन्तर्गत चुमनुब्री गाउँपालिका-३ नाग्चेतका हुनुुहुन्छ।

त्यस्तै बुर्लाकोटी रास्वपाका महामन्त्री हुनुहुन्छ। पालुङ्टार नगरपालिका-९ का स्थायी बासिन्दा उहाँ  स्थापना कालदेखि नै पार्टीमा सक्रिय भएर लागेका व्यक्तित्व हुनुहुन्छ। यसअघि २०७९ सालको निर्वाचनमा पनि उहाँ गोरखा २ बाट उम्मेदवार बन्नुभएको थियो। त्यतिबेला उनले १२ हजार ६३९ मत प्राप्त गर्नुभएको थियो।