विराटनगरमा मेयरको सिफारिसमा आउट भए लालबाबु

विराटनगर । विराटनगर महानगरपालिकामा एमालेको तर्फबाट मेयरको दावेदारमा पूर्वमन्त्री लालबाबु पण्डित थिए । उनले मेयर हुने चाहना व्यक्त गरेका थिए र उनको नाम चर्चामा थियो । यद्यपि, शनिबार बसेको एमाले विराटनगर महानगर कमिटि बैठकले पण्डितलाई मेयरमा सिफारिस गरेन ।

एमाले विराटनगरबाट मेयरमा रामलाल साह, बाबुराम कार्की, सागर थापा, पर्शुराम बस्नेत र महेश भट्टराईको नाम सिफारिस गरेको छ भने उपप्रमुखमा शिल्पा कार्की, बिमला घिमिरे दाहाल, अञ्जु उपाध्यायको नाम सिफारिस भएको एमाले महानगर कमिटिले जनाएको छ ।