ईश्वर पोखरेलले गराउनुभयो काठमाडौँ ५ मा मनोनयन दर्ता

काठमाडौँ। नेकपा एमालेका नेता ईश्वर पोखरेलले प्रतिनिधिसभा निर्वाचनका लागि काठमाडौँको निर्वाचन क्षेत्र नम्बर ५ बाट उम्मेदवारी मनोनयन दर्ता गराउनुभएको छ।

पोखरेलले मंगलवार निर्वाचन कार्यालयमा पुगेर मनोनयन दर्ता गराउनुभएको छ। पोखरेल यसअघि पनि सोही क्षेत्रबाट उम्मेदवार बन्दै आउनुभएको छ। २०७९ मा भएको निर्वाचनमा पोखरेल नेपाली कांग्रेसका प्रदीप पौडेलसँग पराजित हुनुभएको छ।

२०७४ माको निर्वाचनमा भने विजयी भएका थिए। योपटक पनि काठमाडौँ– ५ मा पोखरेल र पौडेल फेरि एकपटक आमनेसामने भएका छन्। यस क्षेत्रमा राष्ट्रिय प्रजातन्त्र पार्टीले पूर्वअध्यक्ष कमल थापालाई उम्मेदवार बनाएको छ।

शीर्ष नेताहरूको प्रतिस्पर्धा हुने भएकाले काठमाडौँ क्षेत्र नम्बर ५ को निर्वाचन रोचक हुने भएको छ। आगामी फागुन २१ गते हुने प्रतिनिधिसभा सदस्यको निर्वाचनका लागी मंगलवार देशभर मनोनयन दर्ता भइरहेको छ।