धनुषामा युवती मृत फेला, हत्या आशंका

काठमाडौं। धनुषाको औरही गाउँपालिकास्थित देउरी परवाहाबाट पौडेश्वर जाने बाटोमा एक युवती मृत फेला परेकी छन्।

शुक्रबार सडकछेउमा युवतीको शव देखेपछि स्थानीय बासिन्दाले प्रहरीलाई खबर गरेका थिए। लगत्तै घटनास्थल पुगेको प्रहरी टोली शव नियन्त्रणमा लिएर प्रारम्भिक अनुसन्धान सुरु गरेको जनाइएको छ।

मृतकको सनाखत हुन सकेको जिल्ला प्रहरी कार्यालय, धनुषाका प्रवक्ता प्रहरी नायब उपरीक्षक (डीएसपी) गणेशबहादुर बमले बताउनुभयो। ‘शवको सनाखत गर्न अहिलेसम्म कोही पनि आएको छैन,’ उहाँले भन्नुभयो, ‘घटनाको प्रकृति हेर्दा टाउकोमा चोट लागेको अवस्थाले कुटपिट गरी हत्या गरिएको देखिन्छ।’

अन्दाजी २५ वर्षीया युवतीबारे थप जानकारी प्राप्त नभएको उहाँले बताउनुभयो। प्रहरीले मृतकको पहिचानका लागि सहयोग गर्न आग्रह गरेको छ।