पोखरा । पोखरा महानगरपालिका वडा न ६ स्थित फेवा तालको बीचमा अबस्थित ताल बाराही भगवती मन्दिरको पूर्ननिर्माणको लागि प्राण प्रतिष्ठासहित क्षमा पुजा गरिएको छ ।
सोमबार र मंगलबार गरी दुई दिन लगाएर प्राण प्रतिष्ठा सहित क्षमा पुजा सम्पन्न गरिएको तालबाराही मन्दिर गुठी व्यवस्थापन समितिका अध्यक्ष हिक्मतबहादुर कुँवरले बताए ।
भुईंतलासहित तीनतले मन्दिर तिन इन्च दक्षिणतर्फ ढल्किएको पत्ता लागेपछी मन्दिर ब्यवस्थापन समिति मन्दिरको पुन निर्माणमा जुटेको हो ।तालबाराही देवीको मन्दिर पुननिर्माण गर्दा कही कतै भुलबस कुनै काम भएमा, देवी माताले विघ्नबाधा,अडचन नगरुन र कसैलाई पनि नराम्रो नहोस भन्ने उद्देश्यले पुजा गरिएको पण्डित बिश्वेश्वर पोडेलले बताए ।
आउँदो १७ गते देखि मन्दिरमा स्थापित प्रतिमुर्ति मा भक्तजनहरुले पुर्जा अर्चना गर्ने र नित्य पुजा मन्दिरका पुजारीहरुले देवीको मुर्तिमा गर्ने उपाअध्यक्ष जुना अधिकारी बताइन् ।
मन्दिर पुर्ननिर्माणका लागि करिब १ करोड ४५ लाख लाग्ने अनुमान गरिएको अध्यक्ष कुँवरले जानकारी दिदै नेपाल सरकारको “पुरातत्व विभाग” बाट पचिस लाख मात्र सहयोग दिने आश्वान आएकोले बाकी रकम प्रदेश र स्थानिय सरकार सहित भक्तजनहरुको सहयोगमा कलात्मक ढाचामा मन्दिर निर्माण सम्पन्न गर्ने योजना रहेको सुनाए ।
उनले यही आउँदो फागुनको अन्तिम हप्ता आम वडा भेला गर्ने चैतको पहिलो हप्तादेखि मन्तिरको पुननिर्माण जुटने जानकारी समेत गराए ।
