पोखरा । पोखराका प्रशिद्ध युवा व्यवसायी देवेन्द्र केसी नेपाली काँग्रेसको गण्डकी प्रदेश कार्यसमिति सदस्यमा मनोनीत भएका छन् ।
कुटी रिसोर्टका सञ्चालक केसी पर्यटन लगायत विभिन्न व्यापार व्यवसायमा आबद्ध छन् । उनी पछिल्लो समय काँग्रेसको राजनीतिमा समेत सक्रिय छन् ।
नेपाली काँग्रेस गण्डकी प्रदेशका सभापति शुक्रराज शर्माको अध्यक्षतामा बुधबार बसेको बैठकले केसीलाई प्रदेश कार्यसमितिमा मनोनीत गरेको हो ।
प्रदेश कार्यसमितिमा मनोनीत गरेकोमा केसीले पार्टीप्रति आभार व्यक्त गर्दै आफ्नो जिम्मेवारी इमान्दारिताका साथ बहन गर्ने बताए ।