काठमाडौं। ललितपुरको जावलाखेल पुल्चोक सडक खण्डमा चल्ने सवारी साधनलाई डाइभर्सन गरिएको छ ।
ललितपुरको पुल्चोकमा रातो मच्छिन्द्रनाथको रथ राखिएका कारण जावलाखेलबाट पुल्चोक सडक खण्डमा चल्ने गर्ने सबै प्रकारका सवारी साधनहरुलाई डाइभर्सन गरिएको हो ।
सवारी साधनहरुलाई झम्सीखेल हुँदै सुजुकी मोड तथा कानदेवता स्थान आऊ-जाऊ गर्ने व्यवस्था मिलाइएको महानगरीय ट्राफिक प्रहरी महाशाखाले जनाएको छ ।
काठमाडौँ उपत्यकाका अन्य स्थान तथा नाकाहरूको सवारी आवागमन भने सामान्य रहेको महाशाखाले जनाएको छ ।आइतबार रातो मच्छिन्द्रनाथको मूर्तिको रथारोहण गरिएको थियो ।
रथारोहणसँगै अहिले दर्शनार्थीको भीड लागेको छ ।मच्छिन्द्रनाथको मूर्तिलाई रथमा राखेपछि ललितपुरमा जात्रा सुरु भएको मानिन्छ । रातो मच्छिन्द्रनाथको रथ २१ गते पुल्चोकबाट गाबहाल तान्ने कार्यक्रम रहेको छ ।
सम्बन्धित समाचार
