मेष : काम बीचमै रोक्नु पर्दा आर्थिक भार पर्न सक्छ। स्वास्थ्यमा केही बाधा हुन सक्छ। शंका तथा डरका कारण बनिसकेको काममा दुबिधा उत्पन्न होला। साँझमा भने सफल यात्राको योग छ।

वृष : बुद्धिको उपयोग गर्नाले जटिल ठानिएको कामसमेत सम्पादन हुन सक्छ। प्रतिस्पर्धामा सफल भइनेछ। अधुरा काम पुनः सुरु हुनेछन्। प्रेम र मित्रताको बन्धन कसिनुका साथै दाम्पत्य सुखमा रमाउने समय छ।

मिथुन : सानो प्रयत्नले ठूलो काम सम्पादन हुनेछ। रोकिएका काम पूरा हुनेछन्। स्वादिष्ट भोजनको अवसर प्राप्त हुनेछ। नयाँ कार्य वा रोजगारीको अवसर आउला।

कर्कट : धार्मिक यात्रा गर्ने अवसर जुर्नेछ। पारिवारिक भेटघाटमा रमाइनेछ। मन पर्ने वस्त्र, अलंकार आदि उपहार पाइएला। तार्किक क्षमताको प्रभावले स्वरोजगार भइनेछ। प्रेमिकाको सुझावअनुरूप नयाँ कार्य प्रारम्भ गर्दा सफल भइनेछ।

सिंह : अनावश्यक धन खर्च भई मानसिक चिन्ता बढ्नेछ। विवेकले काम नगर्न सक्छ। खानपिनमा सचेत रहनु नै उचित हुन्छ। भ्रमण, खानपान तथा फेसनमा खर्च बढ्नेछ। घरायसी व्यवहारबाट टाढै बस्नु राम्रो होला।

कन्या : एउटै कामबाट दोहोरो लाभ मिल्नेछ। आत्मबलमा वृद्धि र सन्तुष्टि प्राप्त हुनेछ। धर्म तथा समाजसेवामा मन लाग्नेछ। प्रेमीसँग कुनै न कुनै माध्यमबाट भेटघाट हुनेछ। वित्तीय संस्था र सेयर बजारबाट राम्रै सफलता मिल्न सक्छ।

तुला : यात्रा लाभदायक र मनोरञ्जनपूर्ण रहला। सभासमारोहमा सरिक हुने सम्भावना छ। प्रेम सम्बन्ध मधुर रहनेछ। मनमा हर्ष, उमङ्ग र उत्साह छाउला। स्वादिष्ट भोजनको आनन्द समेत पाइएला।

वृश्चिक : इच्छा र आकाङ्क्षा पूर्ण हुनेछ। परिश्रमअनुसार उपलब्धि राम्रै पाइएला। कार्य सम्पादनमा सहजता मिल्नेछ। छोटो दूरीको लाभदायक यात्रा हुनेछ। प्रेमीले भरपुर सहयोग गर्नेछन्। वैदेशिक कार्यमा सहजता मिल्नेछ।

धनु : मनमा चञ्चलता बढ्नाले गलत निर्णय लिन पुगिएला। जिद्दीपनाले गर्दा काम बिग्रने डर छ। चित्त दुख्ने समाचार सुन्नु पर्नेछ। यात्रामा मालसामान हराउन सक्छ। साँझमा भने लगनशीलताले कामहरू अगाडि बढ्नेछन्।

मकर : रमाइलो यात्रा गर्ने अवसर जुट्नेछ। लाभदायी यात्रा गर्ने अवसर प्राप्त हुनेछ। धार्मिक यात्राको योग छ। घुमफिरमा आकर्षण बढ्नेछ। आफ्नै दक्षतामा विभिन्न कार्य सम्पन्न हुनेछन्। महिला वर्गबाट विशेष सहयोग मिल्नेछ।

कुम्भ : बजार घुम्ने अवसर मिल्नेछ। बुद्धिको उपयोगले लक्ष्य पहिल्याउन सकिनेछ। हर्ष र प्रसन्नताका बीच समय व्यतीत हुनेछ। रोकिएको काम दोहोर्‍याएर प्रयत्न गर्दा सफलता मिल्नेछ। स्वास्थ्यमा सुधार आउला।

मीन : अतिथिका रूपमा सम्मान पाइनेछ। कुनै कुराले मनमा शान्ति छाउनेछ। आफन्तको सहयोग प्राप्त हुनेछ। प्राविधिक क्षेत्रबाट बढी सफलता मिल्नेछ। कसैकसैका लागि सन्तान प्राप्तिको योग छ।