देशभक्त समाजद्वारा देशव्यापी आन्दोलनको घोषणा

काठमाडौं । देशको राजनीतिक निकास तथा हिन्दू धर्म–संस्कार र संस्कृतिको संरक्षणका मागसहित देशभक्त समाजले देशव्यापी आन्दोलनको घोषणा गरेको छ।

समाजले आइतबार जारी गरेको विज्ञप्तिमा देशको मौलिक मूल्य–मान्यता र धर्म संस्कृतिको जगेर्ना गर्ने उद्देश्यले आन्दोलन सुरु गर्न लागिएको उल्लेख गरिएको छ। विज्ञप्तिअनुसार मिति २०८२ साल ११ गते बिहान ११:०० बजेदेखि देशभर आन्दोलनका कार्यक्रम सञ्चालन गरिने जनाइएको छ।

देशभक्त वैदिक सनातन हिन्दू समाजका केन्द्रीय अध्यक्ष चूडामणि खड्काद्वारा हस्ताक्षरित विज्ञप्तिमा सनातन हिन्दू समाजका सबै संघ–संस्थालाई आ–आफ्नो पायक पर्ने स्थानमा उपस्थित भई प्रदर्शनमा सहभागिता जनाउन अनुरोध गरिएको छ।
समाजले आन्दोलन माग पूरा नभएसम्म निरन्तर जारी रहने पनि स्पष्ट पारेको छ।