काठमाडौँ। काठमाडौँमा होली खेल्ने १२ जनालाई प्रहरीले नियन्त्रणमा लिएको छ। काठमाडौँका विभिन्न क्षेत्रमा होली खेल्नेक्रममा उच्छृंखल गतिविधि गरेको आरोपमा आज बिहीबार १२ जनालाई प्रहरीले नियन्त्रणमा लिएको हो।
पक्राउ पर्नेमा २ महिला र १० पुरुष छन्। प्रहरीका अनुसार पकनाजोलबाट २ महिला, न्युरोड ३ पुरुष, कोटेश्वरचोकबाट ४ पुरुष, सिंहदरबार पश्चिम गेटबाट २ पुरुष र साँखुमूलपानी क्षेत्रबाट १ पुरुषलाई नियन्त्रणमा पक्राउ परेका हुन्।
त्यस्तै प्रहरीले ट्राफिक नियम उल्लंघन गर्ने ९० सवारीलाई पनि प्रहरीले नियन्त्रणमा लिएको छ।
नेपालटारबाट ३ वटा दुईपाङ्ग्रे सवारी, बालाजुबाट ७ वटा दुई पाङ्ग्रे सवारी, ठमेलबाट ६ वटा दुई पाङ्ग्रे सवारी, सोह्रखुट्टेबाट १ वटा मोटर साइकल, गल्कोपाखाबाट १ वटा मोटरसाइकल, कृष्णपाउरोटीबाट ३ वटा मोटरसाइकल, न्युरोड गेटबाट ८ वटा मोटरसाइकल र एक गाडी प्रहरीले नियन्त्रणमा लिएको छ
त्यस्तै फर्पिङचोकबाट ६ वटा मोटरसाइकल, बसपार्कबाट २ मोटरसाइकल र एउटा गाडी, बूढानीलकण्ठ गल्फुटारबाट ४ वटा मोटरसाइकल, कीर्तिपुरबाट २ वटा मोटरसाइकल, महाराजगञ्जबाट ४ वटा मोटरसाइकल, कोटेश्वरबाट ४ वटा मोटरसाइकल, सिंहदरबार पश्चिम गेटबाट २ वटा मोटरसाइकल, साँखु मुलपानी बौद्ध क्षेत्रबाट १० वटा मोटरसाइकल, कलंकी चोकबाट १४ मोटरसाइकल, खसीबजार चोक कलंकीबाट १० मोटरसाइकल, बल्खुचोकबाट २ मोटरसाइकल र त्रिपुरेश्वरचोकबाट १ वटा मोटरसाइकल नियन्त्रणमा लिएको प्रहरीले जनाएको छ। यो दिउँसो २ बजेसम्मको तथ्यांक भएको प्रहरीको भनाइ छ।
होलीमा हुनसक्ने अवान्छित क्रियाकलाप नियन्त्रणका लागि भनेर ट्राफिक प्रहरीले काठमाडौँका चोकचोकमा जाँच गरिरहेको छ।
