रवि लामिछानेको आधिकारिक फेसबुक पेज पुनः सक्रिय

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो आधिकारिक फेसबुक पेज पुनः आफ्नै नियन्त्रणमा आएको जानकारी दिनुभएको छ।

बुधवार एक स्ट्याटस लेख्दै लामिछानेले आफ्नो पेजमाथि पटक–पटक साइबर हमला (ह्याक) को प्रयास भएको तर अन्ततः त्यसलाई विफल पार्दै पेज फिर्ता ल्याउन सफल भएको बताउनुभएको हो ।

उहाँले सामाजिक सञ्जाल मार्फत नै भन्नुभयो, `पटक पटक ह्याक गर्ने प्रयास भएतापनि अन्ततः मेरो फेसबुक पुनः आफ्नै नियन्त्रणमा ल्याउन सफल भएको छु।चासो र चिन्ता गर्नु हुने सबैको जानकारीका लागि यो पोस्ट सार्वजनिक गर्न चाहेको छु। सबैलाई धन्यवाद।

केही दिनअघि उहाँको फेसबुक पेजमा अनधिकृत पहुँच पुर्‍याउने प्रयास भएको बुझिएको छ । तर, लामिछानेले अहिले पेज पूर्ण रूपमा सुरक्षित रहेको स्पष्ट पार्नुुुभएको छ।