सुनसरीबाट पेस्तोलसहित भारतीय नागरिक नियन्त्रणमा

काठमाडौं।  सुनसरीबाट पेस्तोल सहित भारतीय नागरिक नियन्त्रणमा
सशस्त्र प्रहरी बलले सुनसरीबाट पेस्तोल सहित भारतीय नागरिकलाइ नियन्त्रणमा लिएको छ ।

इटालिमा बनेको पेस्तोल र सोको ३ राउण्ड गोलि सहित भारतको अररिया ग्राम पंचायत -४ बस्ने ३६ बर्षका राम थेलन पासवानलाई सुनसरी गाउँ पालिका -३ जमुवा स्थित सीमा नाकाबाट निर्वाचन क्षेत्र सुरक्षा बेशले शुक्रबार सांझ नियन्त्रणमा लिएको हो ।भारतिय नम्बरप्लेटको मोटरसाइकलमा नेपाल तर्फ आउंदै गरेका पासवानको साथबाट ब्राउन सुगर जस्तो देखिने पदार्थ १ सय ग्राम , नेपाली रुपैयाँ ७ हजार ५ र भारतीय रुपैयाँ ९ हजार ३ सय ८०, र मोटरसाइकल समेत बरामद भएको छ । नियन्त्रणमा लिइएका पासवानलाइ बरामद सामाग्री सहित आबश्यक कारबाहीको लागि सम्बन्धित निकायमा बुझाइएको छ ।

सीमा नाकामा कडाइ गर्न डिआइजी मनिष थापाको निर्देशन
यसै बिच निर्वाचनलाई लक्षित गर्दै सीमा नाकामा उच्च सतर्कता अपनाउन सशस्त्र प्रहरी बल, नेपाल नं. १ बराह बाहिनिका बाहिनिपती सशस्त्र प्रहरी नायब महानिरीक्षक मनिष थापाले निर्देशन दिए संगै सीमा नाकामा चेकजाँच लाई तीव्रता दिइएको छ । सोही क्रममा हतियार सहित ब्यक्ती नियन्त्रणमा लिन सफलता मिलेको हो ।
डिआइजी थापाले इलाम, झापा, मोरङ र सुनसरी जिल्लाका सीमा नाका को स्थलगत अनुगमन गर्नुहुँदै सीमा बाट हुने अबैध क्रियाकलापमा निर्मम ढंगले लाग्न मातहत सबै युनिटलाइ निर्देशन दिनुभएको छ ।